На Универзитетот во Тетово беше промовирана „Синови на земјата“, од авторот Лукас Дајнс, американец кој има живеено и работено во Тетово. Авторот создал фикција, а вели дека на тој начин сака го раскаже она што го научил од луѓето во земјава и да каже за неговото уникатно искуство, пренесе МИА.
– Мојот поглед и причината зошто ја напишав оваа книга е затоа што луѓето овде верувам дека се прекрасни луѓе и имаат приказни кои треба да бидат раскажани од перспектива на психологија и филозофија. Во книгата имав еден настан и го кажав од сите перспективи на луѓето во Македонија конкретно од Македонците и Албанците. Сакав да бидам во можност да ги покажам од тој настан, сите различни борби на заедниците тука кои ги имаат во однос на идентитетот. Исто така да можат две групи да ги видат погледи перпесктивите на другиот и со таа визија да можат подобро да се разберат и да одат напред, рече авторот Дајнс.
Карактеристика за книгата е контроверзна илустрација на насловната страница со националните обележја на Македонците и Албанците.
– Насловната страница е метафора за тоа што има во книгата. Кога ја објавив, примив многу лутина и реакции за корицата и верувам дека луѓето ја судеа книгата по нејзината корица исто како што им се суди на луѓето во Македонија според нивната националност. Јас повикував и барав од нив да погледнат внатре во книгата како и погледат подлабоко во луѓето за да дознаат нивната внатрешна борба со доброто и со злото, рече писателот.
Книгата е преведена на албански јазик. Авторот живеел четири години во Тетово и работел на Универзитетот и во приватно средно училиште.