пишува: ЏАБИР ДЕРАЛА
Со евтини трикови, измама, простотилак и омраза ги градат своите кариери. Со гнасотии и насилништво се пробиваат до светлината под рефлекторите. Тие неморални креатури, кловнови во обид, без талент и без душа…
Со мало гребнување под површината на оваа гротеска од човеколики суштества, ќе се најде еден ужасен, неподнослив, квази интелектуален пувеж. Тие немаат со што да се пофалат, ама баш со ништо во животот. Зад нивната скромност и излитени пароли стои само бескрајна лакомост да се стекнат со лично богатство.
Паразити што немаат оставено ништо вредно зад себе, бескарактерни кускулиња, без трошка срам. Како изгладнети стаорци, грабаат сѐ што ќе им се најде на патот. Тоа се тие. Безвредна, заборавена периферија на општествените текови и случувања, далеку од светот, квази политички зомбија.
Квази интелектуалци и квази луѓе, без компас, тие беа и останаа само неугледни ментални парталковци. Интелектуално инфериорни ситни апаши, кои дрско им го крадат времето на младите. Во замена за нивното внимание, во нивните наивни души оставаат купишта интелектуален и морален измет, тотална конфузија и бесмислици. Преполни со цитати што не ги разбираат, но доволно препредени да ги употребат таму каде што ќе им појде од рака да манипулираат. Читано – недочитано, разбрано – недоразбрано, а секако злоупотребено и извитоперено… Тоа е нивниот „интелектуализам“ под дебели наводници.
Неуспешно склопени идеолошки кукли.
Не заслужуваат човек ни да помисли, камоли да пишува за нив. Од друга страна, тие прикриени неофашистички вреќи со гомна, невешто маскирани зад прогресивни политички правци, се илустрација за тоа како работат организираните криминално-политички банди на кои овие им се потрчковци. Како и да сака човек да ги дефинира, сигурно тоа ќе биде сосема спротивно на прогресивните идеи.
И никако да мрднат од смрдливото идеолошко мочуриште на нивните националистички ѓубриња од газди. Тие се само уште шрафче од машинеријата која вредно работи против јавниот интерес и националните интереси. Тоа е таа мизерна банда, што гази по човековите права и слободи, го разгорува национализмот и повикува на раздор и насилство. Злоупотребувајќи ги големите идеи на човештвото!
Нема ништо прогресивно во тие суштества. Нема ништо прогресивно во нивното однесување. Има само лага. И манијакалност. Нема ништо интелектуално во нивното опсесивно редење зборови. Обични, налудничави, квази интелектуални, чукнати… Евтини курви. Кога човек мисли на нив, кога зборува или пишува за нив, нема поинаков вокабулар што може да ги опише, освен да се сведе на улично ниво.
Смешни се. Ако воопшто бидат запаметени по нешто, тоа ќе биде по карикатуралноста на сѐ што претставуваат, почнувајќи од нивните слогани и јавни настапи, завршувајќи со нивните души.
Кој ги следи, мора да е политички неписмен глупак или само наивен очајник. И нивните најблиски го разбраа сево ова и ги напуштија одамна. Паметно.
