Телата на шест лица се пронајдени во остатоците од хеликоптерот што се урна на хавајскиот остров Кауаи, соопштија локалните власти, пренесе МИА.
– По потрагата по хеликоптерот што не се врати од обиколка на островот во четвртокот, во остатоците се пронајдени шест тела, додека по седмиот патник се уште се трага, рекоа официјални претставници додавајќи дека е малку веројатно да има преживеани.
Луѓето чии тела се пронајдени сè уште не се идентификувани.
Потрагата по хеликоптерот, во кој се наоѓале пилот и шест патници кои биле членови на две семејства, почна во четвртокот вечерта.
