Нашите првични намери се за што ќе се заложиме овој период што преостанува. Сметам дека не беше доволно испопуларизирано нашето учество во сите реформски закони. Мислам дека секој од нас има простор и можност за политички ангажман, дали во Собрание дали преку граѓански сектор. Со матичната партија за неколку прашања се разидовме, а лично за мене одлуката ќе ја донесам согласно реакциите на граѓаните, изјави за Утрински брифинг на Слободна ТВ, Нола Старова, од независната пратеничка група.
`– Ние во моментов сме фокусирани на неколку реформски закони кои во текот на овој мандат треба да ги донесеме. Ни останува ратификацијата за членство во НАТО и чекаме да видиме што ќе се случува во шпанскиот парламент. Законот за одбрана, од опозицијата го блокираат поради користењето на името Северна Македонија – се надоврза Митревски на прашањето за предизборните ангажмани.
Според Старова, прашањето околу Законот за одбрана е предизборен маркетиншки потег на оние коишто го блокираат.
– Северна Македонија е реалност повеќе од една година и не гледам дека на некој му пречи идно кандидирање за пратеник во Собранието на Северна Македонија – рече Старова.
