Силното невреме пропратено со ветер и дожд кои вечерва го зафатија главниот град предизвикаа застој во сообраќајот.
На фотографиите на Скопје Инфо се гледа дека падното дрво комплетно го блокира сообраќајот и предизвика застој на улицата „Никола Парапунов“ во населбата Карпош 4. Исто така, граѓани објавуваат фотографии од паднати дрвја во Лептокарија, Карпош 3.
На социјалните мрежи се споделуваат фотографии од паднати дрва и билборди во главниот град.
Силниот ветер вечерва остави без струја повеќе скопски населби. На места струја немаше кратко време околу 10 минути, а делови сѐ уште се без електрична енергија. Од компанијата ЕВН велат дека екипи се на терен и на сите пристапни места се интервенира и кориснициите во текот на ноќта ќе добијат струја.
