Министерката за правда Рената Десковска на вечерашната прес конференција во Собранието, рече дека амандманот во Собранието бил изгласан со консензус на седницата на Комисијата за европски прашања. Според Дескоска, на текстот на Законот за ЈО имало укажување од министерката за финансии, за сумата која ќе се одвојува за обвинителството и од Секретаријатот за законодавство, дека ќе има правна дупка, па со тие измени, владата го усвоила предлог текстот со два гласа против, од членовите на ВМРО-ДПМНЕ.
Во новиот Закон за совет за јавно обвинителство, новиот обвинител за организиран криминал се избира во посебна процедура со непосредни избори и бидејќи очекувањата би биле дека би имало предоминација, да се бира со Бадинтерово мнозинство.
„За Законот за Совет на јавни обвинители имаше повеќе барања од неколку министри. Дел беа прифатени, дел не беа. Со оглед на тоа што во новиот Закон за ЈО има специфична процедура за избор на обвинител за организиран криминал и корупција, се побара и да се стави правило за избор на обвинителите, внатре во организиран криминал, со бадинтерово мнозинство и тоа беше прифатено вчера. За ова што го зборувам има и стенограми и сведоци за тоа“, рече Дескоска.
Според Десковска, кога се средувале текстовите д стручните служби направени се технички грешки и кога го согледале тоа бил испратен допис во текот на денешниот ден, кој бил примен околу 16 часот во Собранието.
„По 16 часот не се правени координации меѓу претседателот на Собранието, јас, претседателот Заев и слично“, појасни Дескоска.
На оваа владина седница присуствуваа и министритие од ВМРО – ДПМНЕ и нема промена на текстот што бил усвоен на седницата на Влада, појасни Десковска.
„Нема потреба од ново усвојување поради техничка грешка, поради која предлогот беше повлечен и вратен во Собранието. Сите усогласувања се направени пред да се пушти текстот во собраниска процедура, рече министерката за правда.
Дескоска рече дека 24:00 часот бил последен рок за поднесување на Законот, па поради тоа имало грешка кога бил испратен текстот во Собранието, грешки кои ги направиле службите во брзање. Во текстот кој бил испратен недостасувал делот за Законот за јазиците и за бадентеровото мнозинство, како и предлогот на министерката за финансии, Нина Ангеловска, а кој се однесува на делот за буџетирање на обвинителството.