Хрватската легенда Дарко Рундек го најави видео спотот за својот најнов сингл „Ples na tankom ledu“, кој е во завршна фаза на снимање во Скопје. Режијата, дизајнот и анимацијата на видеото се дело на македонскиот уметник Ѓорѓе Јовановиќ.
„U Skoplju grupa čarobnjaka svjetla i sjene privodi kraju video za naš novi singl! Što bi to moglo biti? Počinje odbrojavanje…“ – напиша Рундек во својата објава на социјалните мрежи.
На новиот проект соработуваат и Ана Ковачиќ и самиот Рундек, кои ја потпишуваат музиката, додека текстот е на Рундек. Сценариото е на Хана Корнети, а во изработката учествуваат и колективот „Сенки и облаци“ (глума и сценографија) и Ѓорѓи Митревски (камера и продукција).
Спотот се очекува наскоро да ја доживее својата премиера.
Редакција Фронтлајн
