Во секој момент се очекува да почне 135. собраниска седница што беше закажана за 11:00 часот и на која треба да се гласа за Предлог-законот за јавно обвинителство и за Предлог-законот за изменување и дополнување на Законот за Советот на јавните обвинители.
Во пленарната сала е раздвижено, пратениците веќе се собираат.
По завршувањето на 135-тата, треба да продолжи 123. седница на која пратениците се очекува да се изјаснат по предлог-измените на Законот за одбрана.
Напладне, пак, треба да се одржи 137. седница на чиј дневен ред е Предлог-одлуката за негово распуштање во пресрет на предвремените парламентарни избори, закажани за 12 април.
