Портпаролката на СДСМ Богданка Кузеска на денешната прес-конференција вели дека корумпирањето на медиумите беше одлика на режимското владеењето на ВМРО-ДПМНЕ. Кузеска го посочува последното новинарско истражување на словенечките медиуми кои откриле сума од 2.5 милиони евра пари кои од Унгарија преку Словенија завршиле во 5 медиуми од Македонија кои се познати по ширење на лажни вести и конструкции. Тоа се истите медиуми кои шефот на Мицкоски – Груевски, со години ги финансираше со државни пари, вели Кузеска.
„Праксата на корумпирање на медиумите беше одлика на 11 годишното режимско владеење на ВМРО-ДПМНЕ, Никола Груевски и неговиот советник Христијан Мицкоски.
Но, таа одлика и како опозиција ја продолжува сега извршителот Мицкоски во спрега со неговиот шеф од Будимпешта.
Последното новинарско истражување на словенечки медиум, откри дека сума од два и пол милиони евра од Унгарија завршиле во медиуми познати по ширењето на лажни вести и конструкции.
Тоа се истите медиуми кои шефот на Мицкоски, Груевски со години ги финансираше со државни пари. Со црни пари Мицкоски и ВМРО-ДПМНЕ финансираат медиуми коишто се контра успехот на државата и против интересите на граѓаните.
Медиумите под контрола на ВМРО-ДПМНЕ, продолжуваат да го штитат криминалот на Никола Груевски, азилантот кој се крие од правдата во Будимпешта, центарот од кадешто излегуваат црните пари за самопрогласените опозициски медиуми, односно ширачи на лаги и дезинформации.
ВМРО-ДПМНЕ спроведува црна медиумска кампања против државата, со цел да се врати на власт и да го амнестира Никола Груевски и сите други партиски криминалци.
Сега е јасно како Центарот за лаги и манипулации на опозицијата, продуцира толку лажни случаи против Владата, ги пласира во медиумите под нивна контрола, а потоа ги прераскажува од белиот дворец.Ним очигледно им помагаат надворешни анти- државни фактори, коишто со корумпирање на медиумите, ја загрозуваат демократијата и европската иднина на државата.
СДСМ е посветена на унапредување на слободата на говорот и слободата на медиумите, но, истовремено и на борба против лажните вести и измислици и сомнителното финансирање медиуми.
Затоа, бараме надлежните институции по допрен глас да постапат по објавените информации и да го испитаат начинот на финансирање на одредени медиуми.
Република Северна Македонија е правна држава во којашто законите важат за сите подеднакво.“, истакна портпаролктата на СДСМ Богданка Кузеска во пресот.
