Обвинувањата на ВМРО-ДПМНЕ кон власта, за политички наредби врз судството и обвинителството се последица на матрицата на Никола Груевски со која функсионират уште партијата и Христијан Мицкоски, одговори претседателот на СДСМ, Зоран Заев во вечерашното соочување со Мицкоски.
„За мене е истата матрица, Груевски како да го слушам постојано заради тоа што во времето на Груевски и сега, сеуште постои уверувањето дека извршната власт е одговорна за судските одлуки, таа е таа која што интервенира, таа е таа која што се меша. Тоа не е така, во демократија, заоните се донесени, советот за реформи во правосудството ги дебатираше законите, го пушти во процедура, поарламентот ги гласаше. И во такви околности ние очекуваме правосудството независно да ги носи одлуките, и затоа дигаме гласот и велиме ало луѓе да носите одлуки согласно Устав, закони и сопствено убедување. Но постојано се повторува истата матрица”, рече Заев.
По ваквиот одговор, претседателот на најголемата партија во земјава, го предизвикуваше лидерот на опозицијата, Христијан Мицкоски, јавно од телевизиското студио, да се огради од Никола Груевски за да ги убеди граѓаните дека не е негов извршител, но Мицкоски не прифати да го направи таквото оградување.
„Еднаш треба да се ограничи дека во демократија различно е парламентарна власт, извршна власт, различно е судската власт. Затоа цело време викам дека никако не може да се одлепите од Господинот Груевски, постојано ги повтарате истите работи, како на плејбек ве слушам цело време. Цело време тоа што верува јавноста е токму тоа, извршител сте на Груевски, и еден инструмент со кој диригира Груевски. Мислам еднаш треба конечно да се оградите од Груевски Имате прилика пред камерите, директно обратете се, оградете се еднаш од Груевски. Кажете јас се оградувам од Никола Груевски и да расчистиме со тоа работа”, рече Зоран Заев, претседател на СДСМ.
По овој предизвик, Мицкоски наместо оградување од Груевски, продолжи со обвинувања кон претседателот на владејачката партија.
А. Зеќири
