Криминалците брзо ги зграпчија можностите за да ја искористат кризата со приспособување на нивните методи или со вклучување во нови криминални активности.
Факторите кои поттикнуваат промени во криминалот и тероризмот вклучуваат:
Висока побарувачка за одредени производи, заштитна опрема и фармацевтски производи;
Намалена мобилност и проток на луѓе низ и во Европа;
Граѓаните седат дома и сé повеќе работат од дома, потпирајќи се на дигитални решенија;
Ограничувањата во јавниот живот ќе ги направат одредени криминални активности помалку видливи и ќе ги поместат во домашни или онлајн опкружувања;
Зголемена вознемиреност и страв што може да предизвика ранливост на искористување;
Намалена понуда на одредени незаконски стоки во ЕУ.
Бројот на кибер напади против против организации и поединци е значаен и се очекува да се зголеми. Криминалците ја користат кризата со КОВИД-19 за да вршат социјален инженеринг напад околу темата со пандемијата за да шират разни малициозни софтвери.
Компјутерските криминалци, исто така, постои веројатност да се обидат да го искористат и зголемениот број на вектори на напад бидејќи поголем број на работодавачи воведуваат работат од дома и овозможуваат врски со системите на нивните организации.
Измамниците многу брзо прилагодија добро познати иамамнички шеми за да ја искористат вознемиреноста и стравот на жртвите во текот на кризата. Овие вклучуваат различни видови на прилагодени верзии на телефонски шеми за измама, измами во снабдување и измами со деконтаминации. Во текот на наредните недели може да се очекува да се појават голем број на нови или прилагодени шеми на измама, како што измамниците ќе се обидуваат понатаму да го користат стравот на луѓето низ Европа.
Продажбата на фалсификувани здравствени и санитарни производи, како и опрема за лична заштита и фалсификувани фармацевтски производи повеќекратно се има зголемена по избувнувањето на кризата. Постои опасност дека фалсификаторите ќе го користатот недостатокот на одредени производи за сé повеќе да обезбедат фалсификувани алтернативи, како онлајн така и офлајн.
Различни видови на шеми, вклучувајќи и кражби, се прилагодени од страна на криминалци за да ја искористат моменталната состојба. Ова ги вклучува добропознатите измами со лажно претставување дека се јавни власти. Се очекува комерцијални простории и медицински објекти да бидат сé повеќе на мета на организирани кражби.
И покрај воведувањето на понатамошни карантински мерки низ Европа, заканата од криминал и понатаму е динамична и ќе продолжат да се појавуваат нови и прилагодени видови на криминални активности за време на кризата и потоа.
