СО пристапот „трговија без контакт“ непречен извоз во и од Турција. На компаниите им е дадена можност за замена на приколка, полуприколка или контејнер, а оние што нема да го почитуваат пристапот „трговија без контакт“ ќе треба да ги запазат процедурите за карантин.
НАПРАВЕНИ се вкупно 4.506 тестирања на Ковид-19. Воведен е нов полициски час во Куманово. На Клиниката за инфективни болести и фебрилни состојби починаа двајца пациенти. Во изминатите 24 часа регистрирани се 46 нови случаи на коронавирус во земјата. По градови: Скопје-13, Куманово-23, Дебар-2, Прилеп-1, Тетово-2, Велес-2, Гостивар -1, Гевгелија -2.
ПОСЕБЕН полициски час во Куманово: понеделник – петок од 16:00 до 05:00, за викенд целосна забрана.
БИТОЛСКА млекара изврши предвремено плаќање на вкупните аконтативни обврски за данок на добивка за тековната 2020 година во висина од 15 милиони денари, со надеж и верба дека на тој начин ќе придонесе кон ублажување на последиците од вонредната ситуацијата настаната поради пандемијата на КОВИД 19.
БЕСПОЛЕЗНИ се планирања и очекувања од туристичка сезона во Охрид во услови на вонредна ситуација.
ПОЖАРНИКАРИТЕ од скопската противпожарна бригада на интересен начин нѝ порачуваат да седиме дома за време на епидемија/пандемија на корона вирус.
ОД страна на шест инспекторати се направени вкупно 5.213 надзори. Општата констатација на инспекторатите е дека поголемиот дел од субјектите ги почитуваат владините мерки за превенција од коронавирусот.
СЛОВЕНЕЧКА донација за МВР вредна 110 илјади евра во заштитна опрема што се состои од 100 илјади маски и 100 илјади ракавици.
НАЌЕ Чулев никаде го нема на координација во Кризен штаб и во Влада, но прв е да се слика за своите пи-ар потреби.
ПРВПАТ во последните 200 години средношколците во Франција нема да полагаат матура.
ОСНОВНИОТ суд во Штип донесе одлука за осумдневен притвор за двајцата штипјани, на возраст од 23 и 26 години, кои пред два месеци малтретирале и тепале девојка во влез на станбена зграда.
