ИНТЕРВЈУ за Фронтлајн со писхотерапевтката, доцент Ана Блажева – Колективната состојба полесно ќе ја надминеме ако ги сочуваме и зајакнеме меѓусебните врски.
ЛАЖНИТЕ вести можат да чинат животи, индустријата на дезинформации и говор на омраза многу добро и богато се негува во Белата палата, рече Џабир Дерала во гостувањето на „Утрински брифинг“.
НЕМА да дозволиме некој да остане без приход, помагаме за сите подеднакво, во духот на солидарноста, истакна во видео порака претседателот на СДСМ Зоран Заев.
НОВИ уредби за побрз транспорт, превозниците во вонредна состојба дневно ќе возат по 11 часа, информираше на денешниот прес министерот за транспорт и врски Горан Сугарески.
ПОРАДИ пандемијата од коронавирусот, Светската здравствена организација предупредува дека на светот му недостасуваат шест милиони медицински сестри.
ОВОЗМОЖЕНА работа на фабриките и транспортот и за време на построгиот полицискиот час, работниците со посебни дозволи. Економските оператори што работат во прва смена треба да го организираат работниот процес согласно забраната и посебниот режим на движење, а производствените капацитети кои работат и во втора, трета и четврта смена да го организираат својот начин на работа како и досега, со издадени дозволи за движење од страна на работодавачот согласно пропишаниот образец, стои во заклучокот на Владата.
ДРЖАВНИОТ инспекторат за труд апелира до вработените да не потпишуваат договори или отказни решенија ако не се сигурни што тие значат. Препорака е да се внимава што се потпишува или да се направи консултација со стручни лица.
ПЕТ починати од корона вирус, 29 нови случаи, вкупно 599. На Инфективната клиника починаа четворица пациенти заболени од коронавирус: 52-годишен од Куманово, 65-годишна пациентка од Лабуништа-Струга, жена на 62 години од тетовско Челопек и една 81-годишна од Штип. Во Куманово дома починал и уште еден пациент потврден на вирусот, на возраст од 53 години, соопшти Министерството за здравство.
БРИТАНСКАТА амбасада во Скопје донира опрема за Министерството за одбрана, за поддршка на активностите од министерството во борбата со корона вирусот.
Today we join forces in solidarity. British Embassy Skopje donated equipment for @Defence_MKD in support of their activities to fight the outbreak of the coronavirus in ??.It is important to stand together in these challenging times. Photo credit: Ministry of Defence #COVID19 pic.twitter.com/BB4Jd4x4yg
— UK in North Macedonia (@UKinRNMacedonia) April 7, 2020
ЕУ испраќа медицинска екипа за помош во Италија. Романија и Норвешка, преку Механизмот за цивилна заштита на ЕУ, испраќаат екипа на лекари и медицински сестри за да им помогнат на локалните доктори во Италија, соопшти денеска Европската Комисија.
ОД денес до петок студентите ќе може да си ги подигнат личните работи од студентските домови.
ФИЛИПЧЕ денеска ја посети болницата во Куманово за да направи увид во работењето и капацитетите. На состанокот со менаџментот тој потврди дека болницата работи непречено и дека организацијата на работата е добра.
НАРОДНАТА банка регистрира пад на девизните резерви, кои и натаму се во сигурната зона.
ЗГОЛЕМЕНИ трошоци на живот за овошје, цигари и масло, намалени за горива.
ОПШТИНИТЕ ќе одредат кои маркети ќе доставуваат продукти во текот на полицискиот час. Со новите мерки, предвидено е домашните миленичиња да може да се шетаат најдалеку 100 метри од зградата, од 20 до 20.30 часот во работните денови, а во време на викендот од 8 до 8.30 часот, потоа од 15 до 15.30 часот, како и од 20 до 20.30 часот.
