Повозрасните се најзагрозени од последиците на корона вирусот Ковид-19. Официјалните податоци покажуваат дека лицата над 60 години најтешко ја надминуваат заразата, а оние што имаат и други болести, поголем број од нив не можат ниту да го преживеат вирусот.
Затоа, владиниот кризен штаб донесе неколку уредби со кои се ограничува движењето на лицата над 67 години како и на оние под 18 години за да не се среќаваат категоријата која најмногу може да ја пренесе болеста и несвесно, со оние кои спаѓаат во најзагрозената категорија. Но, токму повозрасните, деновиве се оние кои најмногу ризикуваат.
Деновиве а особено денеска, според укажувања на вознемирени граѓани и сликите кои ги пратиле по различни редакции, пензионерите стојат во долги редови пред банки за да ја подигнат пензијата. Според сликите јасно се гледа дека тие ниту имаат заштни средства како маси и ракавици, а ниту држат дистанцата која е препорачана од експертите и институциите.
Освен нив и други граѓани се однесуваат неодговорно чекајќи еден до друг во редови пред институции за плаќање на сметки.
Некои граѓани алармираат банките да постават редари и повеќе шалтери со што побрзо и поефикасно да им служат на странките, а други мислат дека е неопходна и интервеција на полицијата за одржување на редот.
Тие се вознемирени дека на вакви ситуации постои опасност за поголемо ширење на заразата со Ковид19.
А. Зеќири
