Министерот за здравство, д-р Венко Филипче, и покрај тоа што е максимално посветен и ангажиран во справувањето со пандемијата кај нас, постојано достапен за транспарентно да одговори на прашањата и потребите на сите, излезе и со остра критика кон опозициската ВМРО – ДПМНЕ за континуираното ширење дезинформации, лажни вести и обидите за ширење паника и страв.
Во својот статус, министерот уште еднаш потврди дека има резерви и доволни количини од сѐ што е потребно и ги повика Игор Јанушев и Христијан Мицкоски да не пробуваат свесно да манипулираат со јавноста, бидејќи тоа никому не носи добро.
„Игор Јанушев, исто како и Мицкоски се обидува да ја изманипулира јавноста. Минатиот пат, Мицкоски свесно манипулираше дека нема тестови, а овој пат лагата е дека нема заштитна опрема за медицинскиот персонал.
Одговорно тврдам дека ништо не недостасува, а има и доволни количини во резерва.
Минатата недела е направена инспекциска контрола во 79 здравствени установи од страна на Државниот здравствен и санитарен инспекторат и во ниедна не е забележан недостиг на опрема.
Дополнително, во тек е набавка за дополнување на резервите за што е распишана покана за јавна набавка објавена на веб-страницата на Министерството за здравство и тоа за: 12.000 маски N95 или сличен стандард, 20.000 скафандери, 500.000 хируршки маски, 5.000 визири и 1.200 гумени скафандери.
Не ја разбирам потребата постојано да се лаже и манипулира јавноста на тема која и онака ги држи граѓаните во страв и неизвесност. Ова однесување на опозицијата не носи добро никому и многу одмага во борбата со корона вирусот“, напиша Филипче на Фејсбук.
А. Н. С.
