Министерот за здравство, Венко Филипче, преку пост на Фејсбук ги соопшти податоците од Институтот за јавно здравје за последните измени со состојбата на новозаболени, оздравени и починати пациенти од корона вирус кај нас за последното деноноќие.
Денеска Институтот за јавно здравје регистрира 24 оздравени пациенти.
– Скопје 11
– Куманово 10
– Тетово 1
– Велес 2
Во изминатите 24 часа направени се 275 тестирања, а потврдени се 20 нови случаи на ковид-19 и тоа во: Скопје-12, Куманово-1, Прилеп-3, Тетово-2, Битола-1, Гостивар-1. Досега во земјата се направени вкупно 19096 тестирања на КОВИД-19.
Вкупната бројка на ковид дијагностицирани во нашата земја од почетокот на епидемијата изнесува 1642, бројката на оздравени пациенти е 1136, на починати е 91, а во моментов бројот на активни случаи во земјата изнесува 415, стои во статусот на министерот.
