Претседателот на Демократската Партија на Албанија, Лулзим Баша, е казнет од полицијата во Драч, по средба што тој попладнево ја имаше со некои трговци во крајбрежниот град.
Полицијата во Драч го објави официјалниот записник во врска со кривичната постапка на Баша.
Во записникот се наведува дека лидерот на демократите Баша е казнет и одземена му е возачката дозвола.
Во меѓувреме, сопственикот на локалот каде што се одржа состанокот е казнет со парична казна од 8 илјади евра.
Исто така, 10 други лица кои учествуваа на состанокот беа казнети со парична казна и им биле одземени возачките дозволи.
„Полицијата во Драч со загриженост констатира дека е забележана партиска активност во затворен дел на ресторан, спротивно на Нормативниот закон, „За преземање на посебни административни мерки за време на траењето на периодот на инфекција предизвикана од вирусот КОВИД-19. Оваа активност, која денес е проширена во медиумите, доведе до преземање на административна постапка, заснована врз нормативниот акт.
Врз основа на Нормативниот закон, преземена е административна мерка од 1 милион леки за сопственикот на ресторанот, државјанинот А.Х.“, се вели во соопштение на полицијата во Драч:
Државната полиција апелира до сите граѓани, особено оние во црвените области строго да го почитуваат распоредот на движење и социјалното растојание и во овој контекст бара разбирање и помош на граѓаните низ целата земја, да придонесат за заштита на здравјето од закана од смртоносниот вирус КОВИД-19.
А.М.
