ФИЛИПЧЕ, КАРАЏОВСКИ И ЗИБЕРИ:
– Ве молам почитувајте ги мерките, да не дозволуваме самите себе да си пресудуваме во моменти кога цела цел свет ги намалува рестрикциите, ние да воведуваме нови, апелира претседателот на Комисијата за заразни болести Жарко Караџовски.
– Во Скопје во моментов активни се 659 случаи на коронавирус, од нив во Чаир 169, рече на денешната прес-конференција директорот на Центарот за јавно здравје, Арбен Зибери.
– Мојата идеологија е епидемиологијата, ние не сме владини луѓе. Работиме гратис, никогаш не сум добил скршена пара во 27 години колку што сум бил член во Комисијата истакна д-р Караџовски.
– Свадба со стотина гости, која се одржала во домашни услови на крајот на мај, би можело да биде причина за потенцијален нов кластер на поголем број заразени со коронавирусот во земјата, предупреди Филипче.
– Вкупно само 8 пациенти се на респиратори, имаме целосен увид во ситуацијата на активните случаи и нивните контакти, истакна Филипче.
– Нема да дозволиме народ после 22 часот да се групира на седенки, по паркови. Нема да дозволиме близок контакт на седенки по клупи. Дали мерката ќе се почитува во 18 часот, 19 или 22 часот, за мене е исто битно е да се почитува, смета Караџовски.
– Породилното отсуство ќе биде продолжено до 31 јули, а скринингот на градинките сè уште трае, но ќе заврши за кратко време, најави денеска на прес-конференција министерот за здравство Венко Филипче.
– Двајца епидемиолози и двајца техничари вработени во скопскиот Центар за јавно здравје се позитивни на коронавирусот.
НЕЗАВИСНИОТ Wonderland Theatre на 11.06 2020 година, во четврток, ќе ја има својата прва театарска премиера онлајн. Претставта носи наслов „Илузии“.
ВО тешка сообраќајна несреќа што се случи на околу 19 часот на магистралниот пат Струмица – Радовиш, пред крстосницата за селото Василево, едно лице загина, а неколкумина се повредени.
ТУРСКАТА полиција денеска приведе двајца новинари заради испрашување како дел од истрагата за наводна политичка и воена шпионажа, јави државната новинска агенција Анадолија.
ЕПИДЕМИОЛОГОТ Предраг Кон: Студентскиот дом во Белград, Нови Пазар и Тутин се нови жаришта на вирусот во Србија.
Ј. Ѓ.
