Минатиот пат кога ВМРО ДПМНЕ се бавеше со обнова, се најдовме на работ на бездна, со таа една површна гордост, која се добива со чукање по гради, ние бевме во ходниците на меѓународните институции, без право на глас па престанаа и да зборуваат за нас едно време, вели Димитров во гостување на Канал 5.
Нашите стратешки цели од раните 90 за коишто се надевам дека уште имам политички консензус стана атракција чиста. Во тоа време New York Times правеше мајтап со обидот да се направи една така пограндиозна конструкција во смисла на Скопје 2014, јас мислам дека треба да бидеме горди со тоа кои сме и нашата историја ама и да бидеме горди и со тоа што живата генерација денес може да направи, порача Никола Димитров носител на изборната листа на Коалицјата Можеме во ИЕ 1 во денешното гостување во емисијата Само вистина на Канал 5.
Тој рече дека оваа влада овозможила да станеме членка сме на НАТО и да почнуваме преговори со ЕУ, што, потенцира, беше мисловна именка пред три години.
-НАТО членка сме, тоа беше вака како неопипливо и добивме политичка одлука на 26 март потврдена од ЕС за почеток на ЕУ преговори. Има голема разлика каде бевме и каде сме денес, ние сме денес на рамноправна целосна нога со соседна Бугарија во НАТО, ние сме денес НАТО членка и тоа ни дава извесна сигурност, виз а виз што ќе случува, што ќе биде со нас, нашите граници, членот 5 на некој начин ни ја дава таа гаранција, рече Никола Димитров, носител на листата во ИЕ 1 од Коалицијата Можеме./МИА/
