Ова е голем предизивк за сите, и за политичките партии учесници во кампањата, предизвик и за државата заради тоа што се спроведува во вонредни околности, и оваа кампања треба да биде пред сѐ во интерес на здравјето на граѓаните, да останеме доследни на почитување на мерките, и притоа да овозможиме да имаме фер и демократски избори, вели Спасовски.
Разлики постојат многу, прво заради тоа што опцијата која што јас ја застапувам, коалицијата „Можеме“ предводена од СДСМ покажа во изминатиот период дека државата може да излезе од време на режим кога беше заглавена во времето кога Мисајловски и Мицкоски беа на чело на државата, да ја демократизираме, да ја донесеме да стане членка на НАТО Алијансата, да ги отвориме преговорите да стане членка на ЕУ, едноставно тоа е опција која нуди сигурност, јасна перспектива, јасна визија, наспроти тоа имаме опција која што е за враќање на режимот.
Политичката кампања пред изборите е само финишот од она што треба да го направите претходно, значи целиот мандат треба да биде посветен на интересот на граѓаните, во целиот мандат мора да имате визија што сакате да направите, морате да бидите храбри да носите одлуки коишто ќе бидат од интерес за граѓаните, кој што ќе ја остваруваат таа иднина и перспектива за граѓаните, мора да остварите проекти коишто ќе значат подобар живот за нив, да инвестирате во инфраструктура.
Ние тоа го направивме во изминатиот период, ги решивме сите проблеми, имаме соседство со кое што се измиривме, го вративме кредибилитетот на нашата земја надвор, како ценета држава, ја вративме демократијата, слободата на медиумите, вложивме многу во економијата, градевме во инфраструктурата, и сето тоа практично секој ден е реализација на некој проект, релазација и вложување во иднината.
Ова е само финиш за да можеме да сумираме што сме направиле во мандатот, но и да направиме сѐ за да ја претставиме новата програма, а новата програма се темели исто така на вложување во развој, просперитет, економија, поинаква држава од таа што ја имаме денес, понапредна, поуспешна со задоволни граѓани, вели Спасовски.
