Носиме голема одлука на 15 јули, да продолжиме во сигурна иднина за нас, нашите деца и за идните генерации. Ние сме на потег, порача носителот на листа во ИЕ 2, од коалицијата предводена од СДСМ Оливер Спасовски на средбите во Куманово.
-СДСМ три години во континуитет покажува што значи вистинска грижа за сите граѓани подеднакво. ВМРО-ДПМНЕ во континуитет покажува грижа само за Груевски и неговите криминални соработници“, додаде Спасовски.
Тој потсети дека Куманово 11 години било казнувано од режимската ВМРО-ДПМНЕ, бидејќи таму граѓаните секогаш за прогресивни идеи, наместо режим, поради што, градот не добил ни денар од централната власт.
-На 15 јули граѓаните на Куманово повторно ќе гласаат за фер општество наместо за обнова на криминалот и режимот, а тоа ќе се случи и низ целата држава. Граѓаните знаат дека СДСМ се грижи за сите, ќе ја отфрлат опасноста од обновен режим и ќе гласаат за сигурност, рече Спасовски.
