Група полски пратеници од опозицијата, вчера ги облекоа боите на виножитото на ЛГБТ знамето во знак на протест против претседателот Анджеј Дуда, на давањето на неговата заклетва.
Додека некои опозициски водачи одбраа да ја бојкотираат инаугурацијата на Дуда, други пратеници присуствуваа, носејќи маски со виножито и светли бои за да ја искажат својата поддршка за полската ЛГБТ заедница, против која Дуда активно водеше кампања пред изборите.
Во говорот за кампањата во јуни, Дуда ги нарече правата на ЛГБТ како идеологија која е „по деструктивна“ од комунизмот, предизвикувајќи обвинувања за дискриминација и говор на омраза од различни меѓународни тела, вклучително и од Европскиот парламент.
Kампањата за повторно избирање на Дуда се фокусираше на „семејните права и вредности“ и вербата дека ЛГБТ идеологијата ги поткопува традиционалните семејни улоги помеѓу мажите и жените.
Во изјавата објавена во четвртокот, опозиционите членови на парламентот присутни на церемонијата изјавија дека тие не го бојкотираат настанот затоа што сметаат дека тоа е празен гест и сакаат да ги почитуваат желбите на 20-те милиони Полјаци кои гласаа на последните претседателски избори.
„Наместо тоа, решивме симболично да ја демонстрираме нашата солидарност со луѓето кои живеат од месец во месец во атмосфера на зголемен страв и несигурност во сопствената земја“, се вели во соопштението.
Пратениците рекоа дека избрале да носат светли бои за да можат да формираат виножито кое не може да се сече од фотографии или да се исечат од пренесените слики.
Веднаш по заклетвата, пратеничката Ванда Новичка, во име на левиот блок, достави писмо до Дуда во врска со ЛГБТ активистите, кои беа уапсени без оправдување од властите. Писмото бара шефот на државата да стави крај на тековната дискриминаторска кампања против ЛГБТ луѓето.
Оваа дискриминација е добро документирана, со тоа што Полска се рангира како најлошата земја за правата на ЛГБТ лицата во Европа од страна на Интернационалното лезбејско, геј, бисексуално, транс и интерсекс здружение, или ИЛГА, група која се фокусира на зголемените човекови права за ЛГБТ заедницата.
И.Е.
