Светската здравствена организација се надева дека кризата со Ковид-19 ќе помине за помалку од две години, изјави денеска генералниот дирекор на СЗО, Тедрос Адханом Гебреисус.
Тој додаде дека шпанскиот грип што се појави во 1918 година траел две години.
– Сега нашата ситуација е таква што имаме повеќе технологија, но со поголемата поврзаност вирусот има поголеми шанси да се прошири, може да се движи побрзо, посочи Гебреисус.
Во светот со новиот коронавирус инфицирани се 22.986.700 лица, од кои 799.294 починале, а оздравеле 15.614.808 луѓе./МИА/
