Во Минск денеска почна уште еден протест, што е најавен како најмасовен досега, а според аналитичарите можно е да биде и најнасилен.
Еден белоруски новинар на Твитер објави дека во моментот на улиците на главниот град на Белорусија има повеќе од 250.000 луѓе, додека според проруските агенции бројот на демонстранти изнесува 70.000.
More than 250K already at the Independence square in Minsk! It’s more than in 1990 when people protested for Independence.
Belarus will be free. pic.twitter.com/cUKTIKuKqo
— Franak Viačorka (@franakviacorka) August 23, 2020
На протестите им се приклучија и работниците од фабриката МТЗ и рударите од Солигорска, кои се во штрајк и покрај вчерашните предупредувања од белорускиот претседател Александар Лукашенко дека ако не се вратат на работните места ќе добијат отказ.
Демонстрациите во Белорусија почнаа на 9 август поради незадоволство од изборините резултати според кои Лукашено го освои шестиот мандат со над 80 отсто од гласовите. Демонстрантите бараат оставка од Лукашенко, додека тој тврди дека протестите имаат финансиска и воена поддршка од Запад./МИА/
