Нови 145 случаи со Ковид-19 од 1.772 тестирања беа евидентирани во вчерашниот извештај на Министерството за здравство за изминати 24 часа. Починати се двајца пациенти од Дебар (67 г.) и Струга (48 г.). Регистрирани се 216 оздравени пациенти.
Вкупниот број Ковид дијагностицирани во земјава од почетокот на епидемијата изнесува 14.600, бројот на оздравени пациенти е 11.741, на починати е 606, а во моментов вкупниот број активни случаи изнесува 2.253. Од вкупниот број активни случаи во Скопје има 757, во Куманово 300, во Гостивар 174, во Прилеп 125, во Штип и во Тетово по 114,
Досега во земјава се направени вкупно 151.706 тестирања на Ковид -19.
На Инфективната клиника примени се шест пациенти. Вкупно се хоспитализирани 77 пациенти од кои на кислородна поддршка се 45, нема пациенти на механичка вентилација.
Во болницата во Козле се хоспитализирани 13 возрасни пациенти позитивни на Ковид-19, четири позитивни деца, три мајки и четири деца суспектни на вирусот.
Активни случаи по општини во Скопје има во Чаир – 94, Аеродром – 94, Кисела Вода – 91, Гази Баба – 87, Центар – 83, Карпош – 81, Бутел – 53, Ѓорче Петров – 44, Шуто Оризари – 29, Студеничани – 26, Сарај – 22, Арачиново – 13, Илинден – 12, Петровец – 8, Сопиште – 6, Чучер Сандево – 3, Зелениково – 2, а девет се странци.
