Папата Францискo е ставен под постојан медицински надзор поради сомневање за инфекција со коронавирус, по средбата што ја имал со филипинскиот кардинал Луис Антонио Тагле, за кого подоцна се утврдило дека е позитивен.
Филипинскиот кардинал Тагле (63) на 29 август имаше приватна аудиенција кај папата Францискo. По враќањето во Манила, на 10 септември, филипинскиот кардинал бил тестиран за коронавирус, пренесе Гардијан.
Државниот секретар на Ватикан, Пјетро Паролин, за Анса изјави дека здравјето на папата е под постојан мониторинг и дека моменталната состојба не е загрижувачка, но дека, сепак, тие се претпазливи.
Папата со сите свои посетители во Апостолската палата разговара без заштитна маска. Минатата недела, меѓутоа, за првпат од почетокот на пандемијата тој беше виден како носи маска.
Папата ја избегнува својата вообичаена пракса на ракување и бакнување бебиња и користи средства за дезинфекција на рацете.
