Кога зборуваме за соработка, секогаш се поставува прашањето: Каква соработка? Зошто ваква или таква соработка?
Кои се придобивките на соработката?
Одговорот на овие и многу прашања е тоа што од која точка сме заинтересирани да дојдеме до одговорот и од кој агол гледаме на важноста на соработката на нашата земјата со соседството и пошироко.
Со оглед на реформите почнати и најавени за продолжување на соработката пособено значење има Владата на Република Северна Македонија и преку Министерството за надворешни работи да ја промовира волјата за соработка и постигнувања на договори кои ќе значат за иднината на државата.
Тоа значи можности за економски развој, отворени политики, создавање и зацврстување на пријателство, размена на искуства, на национално, регионално и меѓународно ниво во сите области. Треба да се нагласи дека општеството сега, со право може да се нарече општество кое бара резултати, затоашто не сака промени во ставовите и вредностите кои се стекнати во најтешкиот период – транзицијата,
Секоја индивидуа која е дел од самото општество бара и очекува промени во образованието, здравството, судството, во добрите намери на внатрешната и надворешната политика и до долгоочекуваното, време за подобар живот за денешницата и иднината.
Со оглед на овие претпоставки, јасно е дека ветувачка и задоволувачка иднина ќе имаат само оние општества кои ќе поседуваат вештини и волја во сите процеси за соработка на општествата во сите области, кои бараат вештини за брзо и ефикасно, а и мудра политика до отварање и заклучување во наша полза, тоест во полза на нашата држава.
Секоја соработка е учтива и како таква може да се најде сила до исполнување на сите критериуми кои ќе не доведат до големото семејство на Европската унија.
пишува: Сафит Зеќири
