Одржливиот развој не е само дополнителен план за светот. Агендата 2030 е обврска за нашите и идните генерации целосно да го искористат човечкиот потенцијал и да размислат за наследството што ќе го оставиме зад нас, истакна претседателот Стево Пендаровски во водео обраќањто на состанокот на високо ниво „SDG Moment 2020“ во рамки на 75. Генерално Собрание на Обединетите Нации.
Потенцираше дека пандемијата предизвикана од КОВИД-19 има сериозно влијание не само врз економијата, туку ги промени и нашите животи и навики до непрепознатливост. Потребата да се фокусираме на одржлив развој во денешно време, како што нагласи, е уште поитна, а оваа сложена задача бара координирани реформи и темелна промена на начинот на кој ги дизајнираме нашите општества.
Пендаровски потстеи дека во 2015 година се обврзавме „да не оставиме никој зад нас“ и се согласивме да ја спроведеме Агендата 2030, усвоена од земјите-членки на ООН.
-Нашиот фокус е подобар живот за сите граѓани, а нашите национални напори за одржлив развој се исто така усогласени со нашата клучна надворешно-политичка цел – членство во Европската унија, рече претседателот Пендаровски.
Тој наведе дека проценката за брза интеграција на целите за одржлив развој спроведена во минатата година покажува дека 83 проценти од националните стратешки планови за развој се усогласени со целите за одржлив развој.
Ги наброја приоритетни цели за 2019-2020 година за нашата држава: да се стави крај на сиромаштијата; да се обезбеди инклузивно и правично, квалитетно образование; да се промовира инклузивен и одржлив економски раст и пристојни работни места за сите, да се преземат итни активности за борба против климатските промени, да се обезбеди пристап до правдата за сите и да се изградат ефикасни, отчетни и инклузивни институции на сите нивоа.Потенцирајќи дека климатските промени и натаму остануваат предизвик, посочи дека на Самитот во Париз во декември 2015 година, Владата се обврза да ги намали емисиите од фосилни горива за дури 36 проценти до 2030 година во споредба со основното сценарио.-Презедовме мерки за производство на чиста, достапна и безбедна енергија, вклучително и зголемена употреба на сончева енергија. Аерозагадувањето останува предизвик за Северна Македонија и бара долгорочен, системски пристап, инвестирање во позелена економија за позелена животна средина, рече Пендаровски.
Приориет за нас, потенцираше, е еднаквоста пред законот. Посветени сме да продолжиме со структурните реформи, да ги зајакнеме владеењето на правото и судскиот систем на кои ќе им веруваат мнозинството граѓани.
-Во јули 2020 година го презентиравме првиот Доброволен национален преглед кој ги отсликува достигнувањата од Агендата 2030 и ги идентификува следните чекори за забрзување на спроведувањето на целите за одржлив развој во преостанатата Декада на акција. При изготвувањето на овој документ, соработувавме и сме благодарни за придонесот на агенциите на ООН во Северна Македонија, младинските организации, граѓанското општество, академските установи и стопанските комори, рече Пендаровски во обраќањето.
