Петар Богојески, промоторот на Македонски концепт најостро ги демантира невистините изнесени вчера на онлајн порталите “Инфомакс“ и “Курир“ во текстот под наслов “ Бугарчето на Каракачанов, Петар Богојески“ преку кој се шират дезинформации и манипулираат со македонската јавност.
Фантазијата на коалиционите партнери Красимир Каракачанов и Христијан Мицкоски очигледно нема граници. Обидот да се прикаже Македонски концепт и Петар Богојески како промотор на оваа платформа како “бугарски проект”, кој Богојески го најави вчера, го започнаа со реализација, бидејќи од страна на Македонски концепт се отфрлени сите нивни барања и уцени, стои во демантот.
“Во таа насока, во целост ги демантирам сите дезинформации, подготвувани во Бугарија, а пренесени од “македонски медиуми” познати како “Куририте”, финансирани од Будимпешта и од една болшевичка нафтена компанија, присутна во Македонија. Поголем доказ за тоа дека ортачки дејствуваат двајцата “вмровци” Каракачанов и Мицкоски, кои не играат бугарско или македонски оро, туку се експерти за казачок коло, нема.
Очекувам “куририте” од мермерната палата, подизведувачи на Каракачанов, да одговорат дали оваа акција против нас им ја плати еден “бугарски конзул” во обид“, вели Петар Богојески.
Богојески информира дека од негова страна, како и од страна на Македонски концепт ќе биде поднесена тужба за клевета против против овие медиуми.
Во својот демант Богојески упати прашање и до Влада на Република Северна Македонија и Здружението на новинари на Македонија – ЗНМ кога во државата ќе се донесе регулација за интернет порталите и медиумската содржина која тие ја пласираат, или како што наведува “Како ние граѓаните да се заштитиме од толку “реномирани медиуми” како Инфомакс или Куририте? Повеќе од три години ветувате решение, а никаде го нема“.
“Нема да не поколебате! Одиме со крупни чекори напред кон ЕУ“, заклучува тој во пишаниот демант.