Денес со голема гордост зборувам за најголемиот, најзначајниот капитален проект во нашата општина, кој се реализира на задоволство на многу генерации наши сограѓани. Горд сум што токму власта предводена од СДСМ ја реализира изградбата на брана на река Отиња. Ова е проект чија реализација штипјани со децении ја очекуваат. Но, не секогаш политичките структури кои го воделе градов имале подготвеност, визија и стратегија за остварување на истото, изјави на денешната прес конференција Александар Кангалов, претседател на ОО СДСМ Штип.
„За среќа, денес водството на Штип е во умешни, вредни и чесни раце. Чесните и визионерски политики на СДСМ се реализираат со голем степен на успешност.
Браната на река Отиња е проект чија вредност изнесува 7,5 милиони евра. Тоа се средства кои правилно и чесно ги инвестираме во насока на остварување на повеќедеценискиот сон на многу наши сограѓани.
Рековме „не“ за лажен барок, „не“ за споменици и секакви непродуктивни трошоци.
Работиме чесно и во интерес на граѓаните.
Постапката за изградба на брана на река Отиња е и официјално распишана, што значи дека за кратко ќе започнат градежните работи за целосна реализација на овој проект кој ќе донесе ново место за рекреација на нашите сограѓани, но и регулација на речното корито на Отиња, заштита од поплави, а во понатамошни фази и можност за производство на електрична енергија.
Оваа брана е потврда на визионерството на актуелното штипско водство затоа што ќе го промени секојдневието на штипјани на подобро и ќе остави длабок печат како оставштина од денешницата за генерациите кои доаѓаат.
Работиме и ќе работиме за реализацијата на вакви суштински важни проекти за граѓаните.
Така покажуваме и докажуваме дека сме на прав пат и дека можеме. Уште повеќе. Уште подобро“, изјави Кангалов.
