Нема места за прием на нови пациенти со ковид -19 на инфективното одделение во Општата болница во Куманово, кажа министерот за здравство Венко Филипче на денешната прес-конференција.
Пациентите кои имаат потреба од болничко лекување ќе се препраќаат во Скопје, и прво ќе се носат на Инфективната клиника и во монтажната болница.
– Во сите одделенија во државата има значаен број на пациенти, некаде капацитетот целосно е исполнет и пациентите се праќаат во Скопје по предходен договор. Таков е случајот со Куманово, – изјави Филипче.
Инфективното одделение има капацитет да прими 18 пациенти.
На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 207, позитивни и сомнителни на ковид-19.
