Во Мерсисајд дербито во Ливерпул домаќините Евертон успеаа да извлечат нерешено против Ливерпул. Натпреварот заврши 2:2.
Ливерпул на два пати водеше на „Гудисон парк“, но ВАР технологијата и одлуките на луѓето задолжени да одлучувааат го спаси Евертон од пораз.
Со голот на Садио Мане уште во третата минута од натпреварот, Ливерпул најави интересно градско дерби.
Еден од најдобрите стопери на светот, Вирџил Ван Дајк, во 10 минута од натпреварот се здоби со повреда по еден дуел со голманот Пикфорд. ВАР пресуди дека имало офсајд, во спротивно стартот на Пикфорд ќе беше окарактеризиран како пенал. Поради повредата Ван Дајк мораше да го напушти теренот.
Евертон израмни од корнер во 19 минута преки дефанзивецот Мајкл Кин.
Во 72 минута, Салах го доведе Ливерпул повторно во водство, после лошата интервенција на Мина.
Десет минути подоцна Калверт-Луин повторно го израмни резултатот откако го надвиши дефанзивецот на Ливерпул Гомез, кој го замени Ван Дајк.
Евертон во 87 минута откако со неартикулиран старт над Алкантара, црвен картон доби Ришарлисон, остана со играч помалку.
Повторно во 92 минута од натпреварот ВАР им ја украде победата на гостите и ги спаси Евертон од пораз. Овој пат милиметри или дел од секунда беа одлучувачки за да се поништи голот на капитенотна Ливерпул Хендерсон, откако претходно Мане бил, спред одлуката на ВАР, во офсајд.
За напаѓачот на Ливерпул, Мохамед Салах, постигна гол на натпреварот против Евертон, е 100-ти гол за клубот во сите натпреварувања. За да го стори ова, 28-годишниот Египќанец, Салах му требаше да одигра 159 натпревари, што е трет резултат на сите вреќиња за играч на „црвените“.
Само Роџер Хант (144) и Џек Паркинсон (153) постигнаа 100 гола побрзо од Салах.
Во тековната сезона Салах има шест натпревари и постигнато пет погодоци.
Ј. Ѓорѓиоски
