„Граѓаните може да сметаат на државата, и не само граѓаните, туку и фирмите. Овој последен пакет економски мерки е надополнет со музичари, приватни превозници, приватни градинки… И во иднина ќе има и петти пакет економски мерки, едноставно сакаме да обезбедиме услови за работа. Сакаме да ги заштитиме работните места и да внесуваме свеж капитал во економијата. Некои компании работат профитабилно, како маркети, аптеки и слично. Најтешко им е на оние кои целосно се затворени. Тоа се пакети со солидарност, затоа ќе успееме.“- охрабри премиерот Зоран Заев на гостувањето во вестите на Сител.
Ваквата оптимистичка прогноза ја темели врз здравата кондиција на буџетот. Направи споредба со приливите во буџетот за октомври оваа и истиот месец за ланската година преку која илустрираше дека овој октомври оставрени се проекциите за прилив и дека буџетот се полни тековно.
