Општина Пробиштип, со цел да ги стимулира граѓаните за користење на обновливи извори на енергија за затоплување на своите домови, кои минимално ги загадуваат воздухот и почвата и не влијаат врз климатските промени, ќе им обезбеди поврат на дел од потрошените средства, за инвертер клима уреди купени во 2020 година па до денот на завршување на јавниот повик, односно се до исцрпување на буџетот наменет за таа намена.
За таа цел е отворен втор јавен повик за субвенционирање на граѓаните за купување на инвертер клима уреди.
Јавниот повик ќе трае до исцрпување на предвидените финансиски средства од буџетот на Општина Пробиштип за оваа намена. Доколку бидат исцрпени сите финансиски средства Општина Пробиштип тоа ќе го објави на својата веб страница.
