пишува: БРАНКО ТРИЧКОВСКИ
Честитки за Бајден.
Трампизмот е значајно искуство за Америка и за сиот свет.
Тоа е доктрина во која некомпетенцијата, вулгарноста и менталниот скок зад хоризонтите на пристојноста и нормалноста, се спојуваат со амбициите на еден човек во еден потег да ги уреди општите работи во својата земја и во светот, не надградувајки го искуството на луѓето и системите, од 200 или 2000 години, туку уривајки ги во прав и пепел. Под обвинение дека се главна причина за несреќите на човештвото. И на луѓето кои во одреден стек на околности му ја предаваат својата судбина и судбината на заедницата на првиот лудак кој ќе им покаже дека ги исполнува горните критериуми. Катастрофата е неизбежна. Поголема е веројатноста да си ја измиете косата во растопено железо, отколку со типови како Трамп да ја допрете макар и најниската ѕвезда од возбудливата тралала програма на лудакот. Тоа е. Нема волшебни решенија. Само работа, трпение, надеж, истрајност,солидарност. Ние го поминавме тоа страшно искуство со идиотот од Будимпешта, но се уште не ни доаѓа памет во глава затоа што истата таа кретенска доктрина на општата деструкција и хаос и денеска ја третираме како политичка алтернатива. Жмицко не се симнува од екраните со своите рецепти како од падот на Заев да направиме храна за наредните сто години.
Будала.
Во оваа светло јас ги следев американските избори.
Со неверојатна возбуда, признавам.
Победата на Бајден ја доживеав како ослободување од една смртна закана.
Заразна закана која беше почнала да се шири низ светот како вирусот корона во некоја уште поубиствена мутација
Ја доживеав како нова надеж за светот.
И за нас во Македонија.
Се надевам дека санирајки ги последиците од трампизмот во Америка, ќе ни помогне да ги санираме последиците од балканската модификација на трампизмот која се вика вмровизам. Како тоа проклетство да го пропадиме како најстрашна чума од нашата убава земјичка. Да, и овие глупави блокади да ги тргнеме од пругата кон Брисел.
Честитки господине Бајден.
Ви посакувам успешни два мандата.
