Во изминатите три години реализиравме голем број на мерки и политки со кои ја зголемивме понудата на работни места и го олеснивме патот до прво вработување на младиот човек, истакна генералниот секретар Љупчо Николовски во неговото обраќање на 23. Изборна конференција на СДММ.
Николовски се осврна на досега остварените резултати во делот на младинските политики, како и на проектите зацртани во новата Програма на Владата предводена од СДСМ.
„Стапката на невработеност кај младите драстично ја намаливме на околу 35% од времето на 2016 кога беше 48,6%. Нашата цел е стапката на младинска неврабтоност до 2024 година да ја намлиме под 17 %, што е речиси двојно пониска младинска невработеност од сега и тоа е дел од нашата програма. Оперативниот план за активни програми и мерки за вработување продолжува. Директна поддршка на младинското и женското претприемништво, претприемништво преку грантови во висина од 5.000 до 15.000 евра. Обезбедуваме поврат на персонален данок за сите нововработени до 29 години во првите две години од работењето. Парите одат директно на сметките на младите. Така ќе продолжиме.
Продолжува мерката за 3.000 денари месечен младински додаток во производството за вработени млади лица до 23 години со завршено најмалку средно образование. Стабилен раст, повисоки плати и шанса за сите, шанса за младите – тоа носи новата развојна македонска економија, тоа е економски патриотизам на дело а јас би додал тоа е младински патриотизам. Само со СДСМ, само со СДММ иднината на младите е сигурна и стабилна, полна со шанси за сите“ порача Николовски.
Генералниот секретар Николовски ги повика младите да се вклучат во процесот на создавање младински политики кои ќе го унапредат квалитетот на живот на сите млади лица во Република Северна Македонија.
Во изминатите три години откако ја предводиме власта донесовме тешки, но храрби одлуки, постигнавме успеси и надвор и дома. И секогаш кога ни беше тешко, можевме да се потпреме на силата и енергијата на СДММ. Очекувам дека тоа ќе продолжи уште повеќе. Тоа честопати не е едноставна задача како што личи, но убеден сум дека Марко и неговиот тим ќе дадат се од себе, целосно ќе се вложат за напредокот, развојот во СДММ продолжат уште повеќе и уште подобро.
Во тоа, многу ќе помогнат и статутарните измени кои предвидуваат за прв пат во историјата на партијата, Социјалдемократската младина на Македонија да се регулира како трајна и статутарно предвидена форма на организирање. Тоа значи дека вие, младите ќе учествувате во работата на извршните органи на партијата, со право на глас, на сите нивоа соодветно. И на тоа не гледајте како на привилегија, туку како на одговорност, како можност уште повеќе да се вложите во процесите што ја водат државата напред, по европскиот, по вистинскиот пат.
Бидете активни, градете квалитетни младински политики кои утре ќе бидат владини политики кои ќе го унапредат кавлитетот на живот и ќе отворат нови можности за сите млади луѓе во Северна Македонија. Продолжете да бидете пример за посветеност, за храброст, за енергичност и одговорност. Бидете пример за чесност, одговорност. Знам дека можете, истакна генералниот секретар Николовски.
