Регистрирани 387 нови случаи на Ковид 19, оздравени се 528 пациенти – починати се 35 лица. Вкупната бројка на ковид дијагностицирани во нашата земја од почетокот на епидемијата изнесува 55.127, бројката на оздравени пациенти е 32894, на починати е 1546, а бројот на активни случаи изнесува 20.687.
Заев: Не сме многу далеку од договор, драго ми е што Бугарија ги признава македонскиот идентитет и јазик. „Бугарија е голем пријател и верувам ќе остане на таа линија. Ние не сме многу далеку од договорот, ние треба само да имаме добра волја. Верувам дека ќе се случи до вториот совет на министри на ЕУ, една средба меѓу мене и Борисов“, изјави Заев.
Д-р Грозданова: Вакцината против Ковид-19 во државава ќе стигне во првите месеци од 2021 година.Договорот со Ковакс механизмот, посочи таа, кој Република Северна Македонија го потпиша предвидува вкупна количина од 800.000 вакцини, односно по две дози од вакцината за вкупно 400 илјади луге.
ЦИВИЛ најавува серија видео пораки со заеднички наслов „Обединети во различноста“. Оваа недела, луѓето обединети во различноста, ќе се дружат со актерките Владанка Димковска и Несрин Таир, авторката Лиса Баута-Шаќири, а во текот на идната недела следат уште интересни видео пораки од новинари, експерти, активисти…
Ѓоргиев: Бугарските барања се апсолутно неприфатливи за нас, дијалогот да продолжи. Барањата на Бугарија се апсолутно неприфатливи за Македонија и македонската јавност. Покрај тоа, тоа предизвикува радикалите да се обидат да ја зголемат недовербата кон Бугарија, што ќе влијае на членовите на македонската страна на комисијата. Во овој момент, во ваква атмосфера ќе биде многу потешко да се разговара, коментира Ѓоргиев.
Заев: Вложуваме во енергетска независност и во еколошки извори на енергија. Премиерот денеска го отвори третиот Македонски енергетски форум. Форумот годинава е во организација на ЗИП Институт, а во соработка со Владата на Северна Македонија и Амбасадата на Соединетите Американски Држави.
Борисов: Бугарија отсекогаш била подготвена за дијалог и разбирање за решавање на прашањата со С Македонија. – Токму за време на бугарското претседателство со Советот на ЕУ, нашата земја ја стави високо на агендата на ЕУ за европската иднина на Западен Балкан, кажал Борисов.
Ангелов: Армијата нема да биде вооружена, ќе им помагаат на граѓаните и здравствените работници. Армијата ќе го одржува редот во здравствените објекти, онаму кадешто ќе побара министерството за здравство, или на други стратешки објекти од областа на здравството, или одредени магацини каде што би имало здравствена опрема, изјави в.д. директорот на ЦУК, Стојанче Ангелов по седницата на Главниот штаб за управување со кризи.
Јовановиќ: До вчера велеа корона не постои, денес Мицкоски ја спореди пандемијата со Втора светска војна. Број два: хушкање за време на масовна пандемија, барање оставка, правење на притисок на здравствените работници, користење на короната за политичка пресметка е еден вид „воено хушкање“. За ова постои кривична одговорност, бидејќи не помагаш, туку хушкаш и бараш глави. Да, пријатели, тоа се вика „воено профитерство“ кое треба да биде казниво со закон.
Илија Јованоски – Градоначалник на „службен пат“ во Инфективно одделение. Прилепскиот градоначалник Илија Јованоски е единствениот градоначалник во земјата на кого работниот ден му почнува во бел мантил. Секое утро во 7 часот во скафандер, под маска и визир се упатува кон Инфективното одделение во општата болница „Борка Талески“ во Прилеп.
Во нацрт-резолуцијата на Европарламентот се изразува жалење што Софија и Скопје не постигнаа компромис. Во нацрт текстот на известувачот за Северна Македонија во Европскиот парламент, Илхан Ќучук, до кој МИА ексклузивно дојде, се изразува жалење за ќорсокакот во кој се најдоа Бугарија и Северна Македонија на 17 ноември кога Софија одби да даде поддршка за отпочнување на преговорите за членство во ЕУ и одржувањето на првата Меѓувладина конференција.
Филипче побара вонреден инспекциски надзор за утврдување на возраста на хоспитализираните во „8 Септември“. ДСЗИ попладнево го информираше министерот Филипче дека по извршениот надзор е утврдено дека во ГОБ „8 Септември“ од 107 лежечки пациенти, 38 се на возраст од 68 до 88 години.
УНИЦЕФ ќе испрати две милијарди дози вакцини против коронавирус во сиромашните земји. Организацијата соопшти дека соработува со 350 авиокомпании и логистички компании за доставување на потребните вакцини и инјекции во сиромашните земји како Бурунди, Авганистан и Јемен, како дел од Ковакс, глобален план за дистрибуција на вакцини против Ковид-19 на Светската здравствена организација (СЗО).
Борел: Во ЕУ нема место за насилство над жените. Насилството врз жените е кршење на човековите права и за него нема место во Европската унија или на кое било друго место во светот, изјави денеска шефот на европската дипломатија Жозеп Борел, во пресрет на Меѓународниот ден за борба против насилството врз жените, кој се одбележува на 25 ноември.
И.Т.З.
