Познатата Холивудска актерка Анџелина Џоли во екот на 16 дена женски активизам проговори гласно за насилството над жените и девојчињате.
“Насилството врз жените е кршење на основните човекови права. За жал, сè уште е присутно во секојдневниот живот и има жени кои сè уште се плашат за утре.”
Ова е тема за која сè повеќе се зборува во последните години. Познатите личности играат важна улога во подигањето на свеста за овој проблем, со тоа што голем број луѓе ги следат секојдневно. Една од оние што максимално ја користат оваа улога е актерката Анџелина Џоли, која често зборува токму на оваа тема.
“Разговарајте со некого. Обидете се да најдете некој што ќе ве сослуша. Бидете подготвени за итни случаи. На пример, изберете збор што ќе го користите како код со пријателите или семејството, кои ќе разберат дека сте во опасност. Започнете со градење мрежа и стекнете знаење.Жалосно е да се каже ова, но понекогаш нема да можете да бидете сигурни дека сите ваши пријатели ќе ви помогнат, честопати и потполно странец ќе ви помогне порано. Пред сè, бидете внимателни. Само вие навистина знаете во каква опасност се наоѓате и додека не најдете поддршка, ќе се чувствувате целосно осамено “, им рече таа на сите што стравуваат за новогодишните празницие бидејќи ќе бидат почесто дома со насилникот.
Во една прилика, таа се наврати и на целата ситуација во Холивуд, кој минатата година беше „бомбардиран“ со вести за сексуално злоставување и вознемирување.
„Сексуалните злосторства ги има насекаде во светот – во индустријата во која работам, во деловниот свет, во универзитетите, во политиката и во војската. Честопати ваквите злосторства врз жените се предмет на потсмев или се нарекуваат помали прекршоци од луѓе кои не можат да си помогнат затоа што се болни. Но, треба да се знае дека мажот кој злоупотребува жени не само што е опседнат со секс, туку е силеџија “, рече таа, надевајќи се дека насилството ќе се намали со текот на годините.
