„Врвен приоритет на министерството за правда е враќањето на довербата во правната држава. Тоа е и приоритет во акцискиот план на Владата за следната 2021 година. Довербата може да се врати само преку ефикасно судство и јавно обвинителство. како прв човек на министерството за правда сум навистина задоволен што Европската комисија во последниот извештај ја поздравува имплементацијата за досегашните реформи во правосудството, рече министерот маричиќ на денешната прес-конференција за методологијата за проверка на работата на правосудството, на која покрај него учествуваа и Јавниот обвинител, Љубомир Јовески и претседателот на Судскиот совет, Киро Здравев.
Тој нагласи дека во Европската комисија во својот извештај нотира добар напредок во областа правосудството во нашата земја.
„Европската комисија во својот извештај нотира добар напредок во областа правосудството во нашата земја. Како резултат на реформите воспоставени се механизми кои обезбедуваат независност и отчетност во работата на правосудството. особено е поздравена проактивната работа во работата на Судскиот совет кој во неколку наврати застана во одбрана на независноста на судеството, а истото важи за работата на обвинителството.“, подвлече Маричиќ.
Министерот истакна дека сепак во извештајот на ЕК се наведува дека е потребно случаите за висока корупција и организиран криминал, вклучително и оние кои ги отвори поранешното СЈО да бидат затворене, односно да имаат правосилни пресуди.
„Во изминатиов период бевме сведоци дека некои предмети се одлагаа, застаруваа а за некои целиот процес се одвиваше многу бавно. Токму затоа ЕК препорачува дека треба да се продлжи со козистентно спроведување на стратегијата за реформа во правосудниот сектор и имплементацја на правната рамка од клучни чинители со што ќе се придонесе во зголемување на довербата во правосудниот систем.“, , рече Маричиќ.
Тој нагласи дека во извештајот е потенцирано дека е потребана цврста посветеност за независност на судскиот систем за да се заштити од каков и да е ризик на мешање и користењето на постојните механизми за проверка на професионалноста и интегритетот на судиите и јавните обвинители.
„Од ЕК се препорачува брзо да се усвојат подзаконските акти кои произлегуваат од Законот за совет на јавни обвинители, Законот за јавно обвинителство за да може советот да ги извршува новите надлежности по моднос на назначување и унапредување како и дисциплински постапки против јавните обвинители и да презема мерки за одговорност.“, истакна на денешниот прес министерот за правда Маричиќ, осврнувајќи се во делот на извештајот на Европската комисја за напредокот во реформите во правосудството во нашата држава.
J. Ѓ.
