Тетовската полиција соопшти дека денеска била приведена 26 годишна жена како осомничена дека од фирмата во која работела украла пари од касата.
Според СВР Тетово, станува збор за 2600 евра.
– Околу 11 часот и 30 минути, на улица „ЈНА“ во Тетово, лишена од слобода е 26-годишната тетовка Д.Ј.,поради основи на сомнение дека претходно извршила кражба во фирмата во која работела, при што од касата одзела парични средства во вкупен износ од 2.600 евра.Таа е задржана во Полициската станица Тетово за расчистување и документирање на случајот и ќе и биде изготвен соодветен поднесок, информира Марјан Јосифоски, портпарол на СВР Тетово.
Кражбата во продажниот салон на фирмата го пријавила одговорната на фирмата.
