Примарна задача ни е да обезбедиме континуитет во снабдувањето со терапија за пацинтите со малигни заболувања, рече Филипче, и додаде дека пациентите со малигни заболувања терапијата ќе ја добиваат дома.
Министерот за здравство Венко Филипче попладнево на својот Фејсбук профил објави дека ќе се скрати времето на чекање за зрачна терапија и оти наскоро ќе биде отворен оддел за зрачна терапија во ГОБ „8 Септември“.
Љупчо Николовски, денеска одржа работен состанок со претседателката на „Транспаренси Интернешнл Македонија“, Слаѓана Тасева. На состанокот се разговараше и за меѓународните искуства и најдобрите практики кои може да се имплементираат во борбата против корупцијата, детектираните слабости кои ја кочат работата, како и унапредување на ефикасноста во спречувањето на корупцијата.
Имавме одличен состанок со Слаѓана Тасева и два часа зборувавме за корупцијата и начините како да ја спречиме. Одлучивме дека заеднички ќе го направиме акциски план и ќе го усвоиме на владина седница. Заедничка работа ни борбата против корупција, рече Николовски.
Апсолутно 2020 година сите ја паметиме како година во која оваа опозиција го блокираше работењето на Собранието и многу процеси во време на пандемијата и тоа извештајот го нотира. Треба да ја прифатиме реалноста и почнеме да работиме сите заедно, порача вицепремиерот Николовски во однос на извештајот на Глобалниот индекс на демократија.
Политичката некултура го симнува нивото на демократија, а за тоа добро се грижи опозицијата, рече Николовски во врска со демократијата во државава. По 11 години узурпација ги вративме демократијата, слободата и транспарентноста. Во контекст на транспарентноста, Николовски истакна дека внимание се посветува и на јавните набавки. Сега кога дознавме како претходно се трошеле пари од службени катници, како трошеле расипнички за лични потреби, денес ве уверувам дека тоа не е можно. Не може ниту денар да се украде. Ќе им дишеме во врат, и на секоја институција и на секој директор“, изјави Николовски.
Сојузот на средношколци попладнево соопшти дека од 6 до 12 февруари привремено ќе го прекине бојкотот на наставата. Од Сојузот на средношколци појаснуваат дека нивниот бојкот е последица на немањето слух за нивните проблеми, укажувања, аргументи и конкретни предлози.
НАТО донира 60 комплети опрема за вентилатори на Министерството за здравство, и следната недела комплетите ќе бидат дистрибуирани до локалните болници.
Кога последен пат прашавте некого “Како си”? Живееме во време полно турбуленции, Не сомнено ова за сите нас се најтешките години. Заглавени сме во нашите мисли – и некако се учиме да го смениме нашиот начин на живеење. Но тоа – оди тешко. Колумна на Владанка Димковска…
М. М.
