Европската агенција за лекови (ЕМА) планира на 11 март да одлучува дали ќе ја дозволи употребата на вакцината против Ковид-19 на американскиот фармацевтски производител „Џонсон & Џинсон“ на територијата на ЕУ, соопшти Агенцијата денеска, пренесе ДПА.
Комитетот за лекови на ЕМА се очекува на вонреден состанок да ја одобри вакцината за употреба во Европската унија, додава германската агенција.
Европската комисија потоа ќе треба да го одобри чекорот на ЕМА, но ова се чини ќе биде формалност што може да се случи уште истиот ден.
Експертите за ЕМА веќе ги разгледуваат податоците на компанијата добиени од испитувањата и студиите. САД изминатиот викенд веќе ја одобрија вакцината за употреба на нивна територија.
Вакцината е развиена од компанијата „Јансен“ во Холандија, инаку фирма ќерка на „Џонсон&Џонсон“. За разлика од другите вакцини, за оваа е потребна само една доза, пренесува ДПА.
Досега во ЕУ за употреба се одобрени три вакцини: на „Модерна“ , на „фајзер/БиоНТек“ и на „АстраЗенека“. /МИА/
