Министерот за здравство Венко Филипче за 24 ТВ рече дека не е вистина дека се плаши да се вакцинира и уште на почетокот на процесот, рече дека ќе се вакцинира кога ќе стигнат поголемите количини на вакцини. „Имаме датуми, но ги земаме со резерви. Имаме еден тајмлајн со кој сме внимателни како го споделуваме.“ – рече Филипче. Министерот рече дека се случува се одложат на два механизми преку кои се очекуваше да стигнат вакцините.
„Петтиот пакет со владини економски мерки е за платите за февруари и март, но со него се опфатени и други инструменти, како поволни кредити, но и други мерки. Во однос на ликвидноста имаме средства, добар ни е планот. Со сите наши политики до сега, како членството во НАТО и реформите за ЕУ, ликвидноста во буџетот не е во прашање, во добра кондиција сме и во однос на плати и во однос на вкупната економија, од јануари до 15 март годинава приходите во буџетот се поголеми од истиот период лани, во поглед на сите даноци, а немавме криза првите месеци од минатата година. Сето ова ни укажува дека планираниот раст од 4,1 отсто што го проектираме може и да го оствариме. Бројките одат кон тоа да се оствари нашето сценарио.“- изрази оптимизам министерот за финансии, Фатмир Бесими, во интервјуто на Сител.
Имавме успешна средба со Европската ивестициска банка и можеме да очекуваме поддршка од нивна страна на проектите и на стопанството, за да може да се мобилизира капиталот, се со цел да му се помогне на регионот, но и на нашата држава. Тема во разговорите беа и 100-те милиони евра наменети за приватните фирми за кредити, но зборувавме и за тоа дека во рамки на гарантниот фонд може да се вклучат од Европската банка за да се зголеми и да се помогне на економија. Инвестицискиот фонд има намера да се фокусира на извозните компании преку поддршка на инструментите за развој.“- пренесе дел од разговорите со Европската инвестициска банка, министерот за финансии, Фатмир Бесими, во вестите на Сител.
Со скрининг по случаен избор стигнавме до бројка од 31 процент луѓе со имунитет кон Ковид-19, што не е ниту добра, ниту лоша. Тоа покажува колку луѓе во изминатиот период се сретнале со вирусот, го поминале и сега имаат имунитет“, вели Александар Петличковски, кој е директор на Институтот за имунобиологија.
Имаме балансиран систем на рестрикција во кој е исклучително важна индивидуалната одговорност. Сметам дека следниот период до почеток на следната недела имаме простор да ги евалуираме резултатите од сегашниот полициски час, изјави министерот за здравство Венко Филипче.
