пишува: БОРЧЕ БОКИ ТРАЈКОВСКИ
И ќе дошол денот кога сите мртви ќе воскреснат за да им се суди на небото. Оние кои грешеле ќе одат во пеколот, оние кои биле праведни и чесни ќе одат во Рајот…
Жими ваквото ќе воскреснат. А ако евентуално се деси, еве, ја да воскреснам, ондак ќе ми судат мене и на ваквите ко мене затоа што сум бил глуп и сум ги воспевал додека ме пљачкале. И, ја у пекол тие па у рај. Абе суди ги сеа док сум жив, Господе, сеа да ги видам грешниците у пеколот, овде, на земјата, мамицу им ибам апашка, не на нобото. Овде да ги гледам како окапуат по затвори затоа што ме пљачкосувале, ме дотерале на просјачки стап за тие да се нафатираат со богатство заради мојата верба у нив и у тебе, бе Господе.
Ќе дошол денот? Жими “Стојко“ ќе дојде. Ако си за правда, ондак, акни ги апашиве и преварантиве док сме живи ние праведните, напраи да ги осудат сега, кој ги шиша. Гледаш ли дека се скрши светов од “мој до мојега“. Млади луѓе сами се убиваат у твое име, убивајќи други недужни, алооо! Пљачкосуваат наивни верници. Владици, попови, кардинали и оџи го вртат светсково пучанство околу мал прст у твое име, бе Господе. Се здружиле со политичариве, нели гледаш? А трпаат злато и пари до небо, и едните и другите? Заеби воскреснуење за судење. Суди ги апашите сега, да те видам, ама и ти да видиш дека сите ќе почнат уште поише да веруат и у тебе. И пушти некоја паричка, не биди себичен Господ, ем циција, не ти личи, овај, се разбираме, нали? Само свештенициве ги крцкаш со наши пари, ебате бељата, за на секоја миса, молитва, клањање, бацуење икона да ми шиткаат чесност и поштење, а крадат и се луксузираат, абе сушат у пичку матер…
Деца умираат од глад. На земјава верници умираат за вода, гледаш ли? Кај е син ти Исус у Етиопија да вади риби од празна плетена кошница, да оживуе мртви дечиња, да спасуе удавени бегалци у Средоземно, да спречуе војни, да укључуе искључена струја на јадници кои осиромашиле и немаат пари за леб, а камо ли за струја? Кај е? Овие твоиве пратеници на земјава му шиткаат на народов преварантски мантри, ко оние на Камени што го собираат топчето меѓу прсти под кибритчињата и го снемуе ко Коперфилд што ја брише статуата на слободата у Њујорк. Илузионисти се твоиве заступници на земјава бе Господе, ништо друго. Политичариве го черупаат светов исто ко твоиве. Гледаш ли? Папата е најбогат у свет, го чуваат ко да си ти, не као обичен добронамерен човек кој шири мир, љубов и благосостојби у светот. Го гледаш ли, оној господин господин Стефан у Македонијава, а? Или оној Реисот?
Ма ѓавола гледаш. Да ги гледаше имаше бре мамето мамино да им го расплачеш уште сеа, а не да им судиш откако ќе умрат. Налет на уставот господски, кога ќе ми суди откако ќе ме нема. Знаеш ли у што живее господинот господин Стефан? Знаеш ли бе Господе у што се вози, колку луѓе го чуваат, у каков кревет спие, дали пости, или од глад се дебелее у главата и у г’зот, а?
Слушај ме пажљиво сеа, мислам, ако слушаш. Преваранти и овоземски манипулатори и пљачкосувачи те претставуат на земјава. Го дупчат верничкото пучанство повикувајќи го на миси, молитви, чатења, клањања, литургии, па и на избори и гласања за да си отворат свештенички чекмеџиња, за да накрцаат свештенички џебои без дно. Го повикуваат верничкото пучанство на овоземско покајание, и за тоа наплаќаат у твое име за здравјето и спокојот на возрасните верници, а ги тераат да се причестуваат со иста лажичка у време на Пандемија. И не за друго, туку, за побргу и поише да умрат, за да им судиш горе. Воскресение грешним, така ли, бе, Господе? Абе ај…
Честит Велигден на сите верници…
Текстот е личен став на авторот. Сите права се задржани.
