Целосно е изгаснат пожарот што избувна вчера над село Галичник. Екипа на полицијата денеска врши увид и ги утврдува причините, информираше в.д. директорот на Центарот за управување со кризи (ЦУК) Стојанче Ангелов при денешната посета на местото на пожарот со претставникот на месната заедница Галичник, Александар Костиќ.
Активната транспарентност стана белег за демократски напредок на оваа Влада, а самоиницијативното објавување податоци и документи од страна на владите е најголемиот проблем за дезинформаторите. Во ова дигитално време, се’ може лесно и брзо да се провери преку интернет – затоа е нашата заложба што повеќе информации да направиме да бидат достапни за граѓаните и медиумите, вели Забрчанец.
Сообраќајот на државните патишта се одвива непречено по суви коловози. Интензитетот на сообраќај на патните правци надвор од градските средини е умерен. На граничните премини, од македонската страна нема подолги задржувања за влез и за излез од државата, информира Автомотосојузот на Македонија во вечерниот извештај за состојбата на патиштата.
Европската агенција за лекови (ЕМА) почна со оценување на барањето на германската фармацевтска компанија БиоНТек и американската лабораторија Фајзер за одобрување на употребата на нивната вакцина против Ковид-19 кај деца на возраст од 12 до 15 години.
Најголемиот и најпознат светски фестивал на пивото Октоберфест, кој требаше да се одржи од 18 септември до 3 октомври во Минхен, е откажан втора година по ред поради пандемијата на коронавирусот, изјави денеска баварскиот премиер Маркус Седер.
М. Миткоска