Шефот на Делегацијата на Европската Унија во Република Северна Македонија, амбасадорот Дејвид Гир вчера свечено ги додели наградите на победниците на креативниот конкурс „Што ме движи кога сè стои? “ во просториите на Europe House, Скопје.
Креативниот конкурс за учениците од основните и средните училишта беше организиран од гимназијата „Алгоритам“ и Europe House, со поддршка од Делегацијата на Европска Унија.
-Учениците имаа можност креативно да се изразат во три категории: филм, литература и дигитална илустрација. Во текот на месец април пристигнаа преку 500 креативни дела, а селекцијата на најдобрите беше спроведена преку јавно гласање со над 100.000 посети на веб-страницата на Гимназија Алгоритам. Врз основа на јавното гласање, жири-комисијата селектираше 24 добитници на вредни награди во трите категории на креативно изразување и согласно возраста, се наведува во соопштението од гимназијата „Алгоритам“.
извор: МИА
