Наместо традиционално, со богата програма и настани, и оваа година поинаку ќе биде одбележан 24 Мај – Денот на сесловенските просветители светите Кирил и Методиј. Високиот политички врв со честитки и положување цвеќе го одбележа денешниот празник. Владината делегација предводена од Премиерот Заев ја сочинуваа министерот за надворешни работи Бујар Османи, министерот за здравство Венко Филипче, министерката за образование и наука Мила Царовска и Ирена Стефоска, министерка за култура.
Претседателите на Република Северна Македонија, Стево Пендаровски и на Република Бугарија, Румен Радев, заеднички ќе оддадат почит на делото на Светите браќа Кирил и Методиј во Рим, откако тоа не го сторија минатата година поради влошената состојба со пандемијата на Ковид-19. Посетата е планирана за 26 и 27 мај.
Премиерот Зоран Заев верува дека европскиот дух на претседателите на Северна Македонија и Бугарија, Стево Пендаровски и Румен Радев ќе даде поттик да се направи исчекор во процесот на пронаоѓање решение во спорот со Бугарија, со што ќе се одблокира патот на интеграција на земјава во Европската Унија. Португалското претседателство со Европската Унија и министерот за надворешни работи Аугусто Сантош Силва во понудениот предлог за решавање на спорот меѓу Северна Македонија и Бугарија воделе грижа да бидат вклучени очекувањата на двете страни, додаде Премиерот.
Жителка на Девствените острови на Карибите во Охрид учи да изработува накит од филигран. Во време на светска пандемија, Анет Хил Боринг и нејзиниот сопруг, направиле илјадници километри за да ја посетат нашата мала земја, која им била желба од поодамна. Смениле четири летови, од Девствените острови до Порторико, потоа до Вашингтон, па Виена за да допатуваат во Скопје…
Во викенд населбата Попова Шапка има и над 800 објекти, но налик на куќи за домување со оглед на габаритот на површината и до 200 метри квадратни, а предвидена за 200 викендички. Кога влегувате во туристичкиот центар „Планинското брдо“ од левата страна е речиси целото бетонизирано. Тука според еколошките организации последниве десетина години, кој што сака прави односно гради, доградува, а што е најлошо узурпира државно земјиште каде никнуваат дивоградби.
М. Миткоска
