Како држава ќе продолжиме со инвестирањето и развојот на полигонот Криволак кој повеќе не е само наш воен капацитет, туку и капацитет на целата Алијанс, истакна претседателот Стево Пендаровски денеска на армискиот полигон Криволак, на Денот на високи гости на воената вежба „Одлучен удар 21“.
„Еднаквост во општеството, еднаков пристап до ресурси на мажите и жените, еднакви шанси за напредок, рамноправност за сите претставува заедничка обврска и приоритет на Владата на Република Северна Македонија и како таква, таа е дел од Програмата на Владата 2020-2024 година“, истакна министерката за труд и социјална политика, Јагода Шахпаска
Хартиените документи, потврдата за вакцинацијата и ПЦР-потврдите се сосема доволни за влез во Грција. Луѓе од системот „Мој термин“ работат на една варијанта, модул, тој да се надгради и тие податоци да може да се стават во апликацијата, меѓутоа граѓаните мора да знаат дека тоа не е никаков ограничувачки фактор, дека и сегашните документи што потенцијално ќе бидат скенирани во самата апликација им се сосема доволни за влез.
ВМРО-ДПМНЕ е симбол на криминалот и корупцијата, партија заглавен во режимската матрица што ја влечеше државата надолу, велат од СДСМ. Оттаму нагласуваат дека половина од поранешното и дел од актуелното раководство на ВМРО-ДПМНЕ секојдневно е по судовите, под обвинија и пресуди за сторени тешки кривични дела.
Најчестите симптоми на КОВИД-19 се: покачена температура, кашлица, отежнато дишење и замор. Невролошките симптоми – оние кои го погаѓаат мозокот и периферниот нервен систем – учествуваат со околу 25 проценти.
Запуштената и неуредена површина пред објектот на противпожарната бригада во населбата Тафталиџе, сега е нов зелен сквер. Околу 1 000 квадратни метри кај булеварот Митрополит Теодосиј Гологанов, Градот Скопје целосно ги уреди со цел на граѓаните да им се овозможи да уживаат во квалитетна инфраструктура со зеленило.
