ИКТ денес е најважната алатка потребна за инклузивен развој и одржлива иднина. Без разлика дали се дома, на работа или во движење, луѓето очекуваат евтин, брз и сигурен интернет. Меѓу другите важни општествени очекувања се вбројува интероперабилноста на услугите, кибер-безбедноста, приватноста и довербата во чинителите.
„Националната стратегија за ИКТ 2021 – 2025 на Република Северна Македонија“ се фокусира на утврдување на приоритетните области во ИКТ-секторот и има за цел да ја подготви РСМ за сестрана и агилна дигитална иднина.
Подобрување на поврзливоста и инфраструктурата, безбедната употреба на 5Г, воспоставување на доверлив податочен центар на Владата на РСМ, disaster-recovery податочен центар во случај на катастрофи, безбедна клауд услуга на Владата на РСМ и поврзување преку владина оптична мрежа, формирање на Агенцијата за дигитализација, централизирани електронски услуги за граѓаните и бизнисите, но и фокус на развојот на дигиталните вештини на граѓаните (дигитално граѓанство) – се само неколку од носечките столбoви на Стратегијата за ИКТ која што МИОА ја поднесува пред Владата на РСМ, со која што ќе се постигнат и директни ефекти врз ублажување на климатските промени и последиците по животната средина.
