„Седиме во удобни општински комитети со парно, убави столчиња. Централата ни е со велелепни лустери, црвени теписи, со махагони и чувствувото ни е дека сме конфорни. Јас не можам да седам на овие состаноци, јас сум тргната во војна“ се слуша на аудио снимката која што се појави на Јутјуб и на која се слуша гласот за кој се тврди дека е на Јелена Жугиќ.
„Ние не се бориме со Заев, со бориме со Брисел, со Вашинготн. Ова е озбилна и долгорочна стратегија. Ова е стратегија на декомпонирање, да се заврши она што не се заврши во 1913. И оваа мала Вардарска што ни остана и таа да ни ја земат, оти сме папокот на светот, оти е Патот на свилата. Нам не ни треба ЕУ, ние им требаме на неа“ вели гласот за кој се тврди дека е Жугиќ. На снимката, гласот за кој се тврди дека е на Жугиќ кажува оти нејзините зборови се всушност зборови на претседателот на ВМРО-ДПМНЕ, Христијан Мицкоски.
„Ова што ви го зборувам се зборовите на почитуваниот претседател Христијан Мицкоски. Јас не настапувам самостојно, не се ова мои идеи и пораки. Оваа фаза на посети на општинските комитети е да ви ги пренесам неговите пораки“ се слуша на аудио снимката. На снимката се слуша, како гласот за кој се тврди дека е Жугиќ кажува дека доколку замине Христијан Мицкоски од ВМРО-ДПМНЕ, тогаш ќе заминат сите. „Притоа партијата ќе ни ја преземе некакво криминално здружение. Сите оние бомби, криминали, што не демонизираа, не направија бандити, ни го осудија Никола Груевски за Мерцедесот“ се вели во снимката.
Д. Е.
